დიდუბის რაიონის გამგეობა თევდორე მღვდლის ქუჩის N5 ა-სა და ბ-ში მდებარე კორპუსების დაზიანებული სახურავების რეაბილიტაციას ახორციელებს.
სამუშაოების ფარგლებში ასევე იცვლება წყალსაწრეტი მილები. პროექტის ღირებულება 80 000 ლარს შეადგენს.
მიმდინარე სამუშაო პროცესს დიდუბის რაიონის გამგებელი ვლადიმერ ძნელაძე საქართველოს პარლამენტის წევრ ირმა ზავარადშვილთან და თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
