ინგრედიენტები

1   ცალი საშუალო/დიდი ზომის ბადრიჯანი

1/4  ჭიქა ლიმონის წვენი

1/4  ჭიქა ტაჰინი

2   ს/კ სეზამის მარცვლები/ქუნჯუთი

2   კბილი ნიორი

მარილი და წიწაკა გემოვნებით

1 1/2  ს/კ ზეითუნის ზეთი

მომზადება

გააცხელეთ ღუმელი 200C გრადუსამდე. მოაცხეთ ცოტაოდენი ცხიმი საცხობ ლანგარს.

დადეთ ბადრიჯანი(კანგაუცლელი) ლანგარზე და დაჩხვლიტეთ ჩანგლით. აცხვეთ 30-40 წუთის განმავლობაში, დროგამოშვებით გადააბრუნეთ, სანამ არ დარბილდება. ამასობაში თხლად დაჭერით 2 კბილი ნიორი.

დიდი ზომის თასში ჩაასხით ცივი წყალი. ცოტახნით მოათავსეთ მასში დარბილებული ბადრიჯანი. შემდეგ ამოიღეთ და გაფცქვენით. სასურველია, თუ გაფცქვნილ ბადრიჯანს 10-15 წუთით მოათავსებთ საწურში, დაადებთ თეფშს და კონსერვის სიმძიმის ნივთს რომ დაიწრიტოს.

მოათავსეთ ბადრიჯანი ბლენდერში. ჩაუმატეთ მეოთხედი ჭიქა ლიმონის წვენი, ტაჰინი(ტაჰინის მომზადების წესი იხილეთ ჩვენს საიტზე), 2 სუფრის კოვზი სეზამის მარცვლები და დაჭრილი ნიორი. გათქვიფეთ ერთგვაროვანი მასის მიღებამდე. გემოვნებისამებრ ჩაუმატეთ წიწაკა და მარილიც.

გადაიტანეთ ბაბა განუში საშუალო ზომის თასში და ფრთხილად მოასხით 1 მთელი 1/2 სუფრის კოვზი ზეითუნის ზეთი. გასაცივებლად 3 საათით შედგით მაცივარში. კვლავ დაუმატეთ ცოტაოდენი ზეთი და გემრიელად მიირთვით ჩიფსებთან, ჩხირებთან, ფრანგულ პურთან თუ ბოსტნეულთან ერთად! სურვილისამებრ შეკაზმეთ მწვანილით და გააფორმეთ ზეთისხილით.