საქართველოს პრეზიდენტის ადმინისტრაციაში აცხადებენ, რომ სალომე ზურაბიშვილმა აზერბაიჯანელ კოლეგას საპრეზიდენტო არჩევნებში გამარჯვება ოფიციალური წერილით მიულოცა.
როგორც ადმინისტრაციაში აცხადებენ, სალომე ზურაბიშვილის წერილი 9 თებერვლით თარიღდება.
„საქართველოს პრეზიდენტმა, აზერბაიჯანის პრეზიდენტს, როგორც ყველა მეგობარი და პარტნიორი ქვეყნის პრეზიდენტს, ოფიციალური წერილით მიულოცა პრეზიდენტის პოსტზე არჩევა“, – აცხადებენ პრეზიდენტის პრესსამსახურში.
აზერბაიჯანში საპრეზიდენტო არჩევნები 8 თებერვალს გაიმართა.
![ოლიმპიური თამაშების დაწყებამდე რამდენიმე დღით ადრე, პარიზის მერმა მდინარე სენაში გაცურა [ვიდეო]](https://for.ge/uploads/images/thumbs/1721210490_282098.jpg)
