ჩინეთში, იუნანის პროვინციაში მეწყერი ჩამოწვა - ორი ადამიანი დაიღუპა, 50-ს კი ნანგრევებში ეძებენ. ამის შესახებ BBC იტყობინება.
შემთხვევა ქალაქ ჩჟაოტუნში, ადგილობრივი დროით 05:51 საათზე მოხდა. ჩინეთის ლიდერის, სი ძინპინის ბრძანებით, სტიქიის ზონაში სამაშველო ოპერაცია დაიწყო.
სტიქიის ზონიდან 500-ზე მეტი ადამიანია ევაკუირებული. სინოპტიკოსების პროგნოზით, უახლოესი სამი დღის განმავლობაში რეგიონში თოვლია მოსალოდნელი, რაც, სავარაუდოდ, სამაშველო ოპერაციას გაართულებს.
