წინასწარი მონაცემებით, სერბეთში, ვადამდელ საპარლამენტო არჩევნებში პრეზიდენტ ალექსანდრ ვუჩიჩის „სერბეთის პროგრესული პარტია“ ლიდერობს. ამის შესახებ The Guardian-ი წერს.
როგორც პრემიერ-მინისტრის მოვალეობის შემსრულებელმა ანა ბრნაბიჩმა განაცხადა, ბიულეტენების ნახევრის დათვლის შემდეგ, მმართველ პარტიას ხმების 47% აქვს და სავარაუდოდ ის პარლამენტში 250 ადგილიდან 130-ს დაიკავებს. მთავარ ოპოზიციურ პარტიას „სერბეთი ძალადობის წინააღმდეგ“, ხმა ამომრჩეველთა 23%-მა მისცა.
პრეზიდენტმა ალექსანდრ ვუჩიჩმა ვადამდელ არჩევნებში გამარჯვება უკვე გამოაცხადა, თუმცა ოპოზიცია აცხადებს, რომ ადგილი ჰქონდა გაყალბებას.