ფხენიანის ცნობით, ჩრდილოკორეულმა სამხედრო სადაზვერვო სატელიტმა პენტაგონის, თეთრი სახლისა და აშშ-ის სამხედრო-საზღვაო ბაზის ფოტოები გადაიღო.
KCNA-ის ინფორმაციით, კიმ ჩენ ინმა დაათვალიერა ფოტოები, როდესაც აეროკოსმოსური ტექნოლოგიების ეროვნული ადმინისტრაციის (NATA) მართვის მთავარი ცენტრის მოხსენება მოისმინა.
მედიის ცნობით, სადაზვერვო სატელიტმა ასევე გადაიღო ნორფოლკის სამხედრო-საზღვაო ბაზის, ნიუპორტ-ნიუსის გემთმშენებელი ქარხნისა და ვირჯინიის აეროდრომის ფოტოები.
ჩრდილოეთ კორეამ მესამე ცდაზე კოსმოსში სამხედრო სადაზვერვო სატელიტის წარმატებით გაშვების შესახებ ინფორმაცია 22 ნოემბერს გაავრცელა.
