შალვა პაპუაშვილი: „ედისონ რისერჩში“ 100% ჰგონიათ 102%. გამოგვადგება 2024 წლის არჩევნებს როცა მოვუახლოვდებით, გავიხსენოთ ხოლმე, რომ ეს ის ორგანიზაციაა, რომელთანაც 100 უდრის 102-ს

შალვა პაპუაშვილი: „ედისონ რისერჩში“ 100% ჰგონიათ 102%. გამოგვადგება 2024 წლის არჩევნებს როცა მოვუახლოვდებით, გავიხსენოთ ხოლმე, რომ ეს ის ორგანიზაციაა, რომელთანაც 100 უდრის 102-ს

როდესაც უხეში გაყალბება ხდება კვლევების, მგონი, სულ მცირე, არის ეთიკის და ღირსების საკითხი ნებისმიერი ორგანიზაციის, რომ თავი დაანებოს კვლევებს, „ედისონ რისერჩს“ შეეხება ეს განსაკუთრებით, თუმცა სხვა ორგანიზაციებიც გვინახავს ჩვენ, რომელიც აბსოლუტურად აცდენილი არიან ხოლმე რეალობას, - ამის შესახებ შალვა პაპუაშვილმა განაცხადა განაცხადა

პარლამენტის თავმჯდომარის თქმით, ეს კვლევით ორგანიზაციებში კორუფციის დამადასტურებელი ნიშანია.

„ეს არის დასტური კორუფციისა კვლევით ორგანიზაციებში და პოლიტიკური კორუფციისა, რომელიც ჩანს. ეს არ არის პირველი შემთხვევა, როდესაც ჩვენ ვხედავთ, რომ ოპოზიციას თავისი კვლევითი ორგანიზაციები აქვს, რომლითაც მანიპულირებს შემდეგ საზოგადოების განწყობებზე. სინამდვილეში, ასეთი კვლევები არის არა იმისთვის, რომ შეისწავლონ საზოგადოების განწყობა, არამედ არის ის, რომ გავლენა მოახდინონ საზოგადოების განწყობებზე. დავიმახსოვროთ, მოვინიშნოთ, „ედისონ რისერჩში“ 100% ჰგონიათ 102%. გამოგვადგება 2024 წლის არჩევნებს როცა მოვუახლოვდებით და მათი კვლევები გამოქვეყნდება, გავიხსენოთ ხოლმე, რომ ეს ის ორგანიზაციაა, რომელთანაც 100 უდრის 102-ს“, - განაცხადა პაპუაშვილმა.