მინდა მივულოცო ლევან დოთიაშვილის ოჯახს. იცით, დღეს ვიმყოფებოდი კირბალში. ვიყავი მისული მის ოჯახში. ვნახე როგორ ელოდნენ ისინი მის დაბრუნებას, - ამის შესახებ გადაცემაში „იმედი Live“ პარლამენტის თავმჯდომარემ შალვა პაპუაშვილმა განაცხადა.

„მინდა მივულოცო ლევან დოთიაშვილის ოჯახს. იცით, დღეს ვიმყოფებოდი კირბალში. ვიყავი მისული მის ოჯახში. ვნახე როგორ ელოდნენ ისინი მის დაბრუნებას. მიხარია ძალიან, რომ სულ რამდენიმე საათში, მას შემდეგ, რაც ოჯახში ვიმყოფებოდით, ლევანი დაუბრუნდა თავის ოჯახს. დიდი სიხარულია. ამავდროულად თამაზ გინტურის მკვლელობის საქმე რჩება ჩვენი ყურადღების ქვეშ და მნიშვნელოვანია, რომ დამნაშავეები დაისაჯონ“, - აღნიშნა შალვა პაპუაშვილმა.

გორის მუნიციპალიტეტის სოფელ კირბალის მიმდებარედ, ოკუპირებულ ტერიტორიაზე დაკავებული ლევან დოთიაშვილი თავისუფალია. ამის შესახებ ინფორმაციას სახელმწიფო უსაფრთხოების სამსახური ავრცელებს.