ისრაელი ღაზის სექტორს ბომბავს. საჰაერო დარტყმები „ჰამასის“ ობიექტებსა და ინფრასტრუქტურაზე ხორციელდება.

ებრაული შენაერთები ანკლავში დაჯგუფების გვირაბებს აფეთქებენ და მათ ლიდერებს ანეიტრალებენ.

თავდაცვის მინისტრის განცხადებით, ლიკვიდირებულია დაჯგუფების 12 მაღალ ჩინოსანი. პარალელურად, ისრაელი ღაზაში სახმელეთო ოპერაციას ატარებს. მათი მიზანი ღაზის დასავლეთ და აღმოსავლეთ რაიონებში შესვლაა.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.