ყველაფერს დრო გამოაჩენს. კარგია ის, რომ იქმნება ძალიან ბევრი 2-3%-იანი პოლიტიკური სუბიექტი, - ასე გამოეხმაურა „ქართული ოცნების“ თავმჯდომარე, საპარლამენტო უმრავლესობის ლიდერი ირაკლი კობახიძე გახარია-ლომჯარია-ზურაბიშვილის ერთობაზე გავრცელებულ ინფორმაციას.
მისივე თქმით, ქვეყანაში პროცესები ძალიან კარგი ტენდენციით მიდის.
„ყველაფერს დრო გამოაჩენს. კარგია ის, რომ იქმნება ძალიან ბევრი 2-3%-იანი პოლიტიკური სუბიექტი. შესაბამისად, ეს კიდევ უფრო მეტად გააძლიერებს ჩვენს საარჩევნო პოზიციებს. ძალიან კარგია ეს ტენდენცია, როგორც მიდის პროცესები ჩვენს ქვეყანაში“, - აღნიშნა ირაკლი კობახიძემ.
