ჩვენ უნდა გავაკეთოთ ყველაფერი, რაც შესაძლებელია, რომ დავეხმაროთ ისრაელს და ბოლო მოვუღოთ ტერორიზმს, რომელიც ირანის მიერ არის მხარდაჭერილი, - ამის შესახებ რესპუბლიკური პარტიიდან აშშ-ის პრეზიდენტობის კანდიდატი, კრის კრისტი სოციალურ ქსელში წერს.
მისივე თქმით, ეს ტერორიზმი ირანელებისთვის გადაცემული 6 მილიარდი დოლარის ხარჯზე ფინანსდება.
„ჰამასის“ ომი ისრაელის წინააღმდეგ მეორე ომია, რომელიც ბაიდენის წარუმატებელი პრეზიდენტობის დროს დაიწყო - პირველი რუსეთის მიერ უკრაინაში და მეორე „ჰამასის“ მიერ ისრაელის წინააღმდეგ. ამერიკის ძლიერ ხელმძღვანელობას ორივეს შეჩერება შეეძლო“, - წერს კრისტი.
