გამოძიების ფედერალურმა ბიურომ (FBI) "დემოკრატი" სენატორი ბობ მენენდესის სახლის ჩხრეკისას 100 000 დოლარის ღირებულების ოქროს ზოდები და 480 000 დოლარი გადამალული ნაღდი ფული აღმოაჩინა.

აშშ-ის იუსტიციის დეპარტამენტმა სენატორ ბობ მენენდესს ბრალი წაუყენა კორუფციასთან დაკავშირებულ საქმეზე. ბობ მენენდესსა და მის მეუღლეს ბრალი ედებათ გავლენის სანაცვლოდ „ასობით ათასი დოლარის ქრთამის აღებაში“.

პროკურორები ამტკიცებენ, რომ ქრთამი მოიცავდა ოქროს, ნაღდ ფულს, იპოთეკის გადახდას და ძვირადღირებული ავტომობილს.

საბრალდებო დასკვნის თანახმად, მენენდესი და მისი მეუღლე შეთანხმდნენ, მიეღოთ ასობით ათასი დოლარი ქრთამის სახით, რათა დაეცვათ სამი ბიზნესმენი ნიუ-ჯერსიდან - ვაელ "ვილ" ჰანა, ხოსე ურიბე და ფრედ დაიბესი - და ასევე ეგვიპტეს სასარგებლოდ ემოქმედათ. გარდა ამისა, მენენდესმა სენსიტიური ინფორმაცია მიაწოდა და „გადადგა სხვა ნაბიჯები, რომლითაც ფარულად დაეხმარა ეგვიპტის მთავრობას“.

აღსანიშნავია, რომ ეს არ არის პირველი შემთხვევა, როდესაც სენატორ მენენდესს ბრალი წაუყენეს ქრთამის აღებაში. მას ქრთამის აღებაში ბრალი 2015 წელსაც წაუყენეს, თუმცა ნაფიცმა მსაჯულებმა ერთსულოვანი განაჩენის გამოტანა ვერ შეძლეს.