ჩინეთი რუსულ ნავთობს თანდათანობით ირანულით ანაცვლებს. ამის შესახებ გამოცემა „თეირან ტაიმსი“ სააგენტო „ბლუმბერგის“ მონაცემებზე დაყრდნობით წერს.
გამოცემის ცნობით, აგვისტოში ირანიდან იმპორტირებული ნავთობის მოცულობამ დღე-ღამეში მილიონ-ნახევარი ბარელი შეადგინა, რაც ბოლო 10 წლის რეკორდია. ამავე მონაცემებით, იანვარ-ივლისის პერიოდთან შედარებით, ირანულ ნავთობზე მოთხოვნილება ერთ-ნახევარჯერ არის გაზრდილი, რასაც ტრეიდერები ნავთობის დაბალ ფასს უკავშირებენ.
ირანულ ნათობს ჩინეთი 10%-იანი ფასდაკლებით ყიდულობს, რაც რუსულ ნავთობზე გაცილებით იაფი უჯდება.
