სომხეთში ევროკავშირის სადამკვირვებლო მისიამ აზერბაიჯანის საზღვრის გასწვრივ სროლის შემთხვევა დაადასტურა. ამის შესახებ გამოცემა Politico წერს.
ევროპული გაერთიანების მისიამ განმარტა, რომ სროლა იყო მისი პატრულირების ერთ-ერთ არეალში. განცხადებაში ასევე აღნიშნულია, რომ ინციდენტის დროს არავინ დაშავებულა.
მანამდე სომხეთმა განაცხადა, რომ 15-ტ აგვისტოს აზერბაიჯანის არმიამ ორი ქვეყნის საზღვარზე დამკვირვებლებს ცეცხლი გაუხსნა. ოფიციალურმა ბაქომ ინციდენტზე პასუხისმგებლობა უარყო და ცნობა დეზინფორმაციად შეაფასა.
