დაღესტნის დედაქალაქ მაჰაჩყალაში ბენზინგასამართ სადგურზე მომხდარი აფეთქების შედეგად 27 ადამიანი დაიღუპა და 70-ზე მეტი კი დაშავდა.
BBC-ის ცნობით, დაღუპულებს შორის სულ მცირე სამი ბავშვია, აფეთქების შედეგად ძლიერი ხანძარი გაჩნდა, რომლის ფართობმა 600 კვადრატულ მეტრს მიაღწია.
აფეთქების მიზეზი ჯერჯერობით უცნობია. აღძრულია სისხლის სამართლის საქმე უსაფრთხოების მოთხოვნების დაკმაყოფილების გარეშე მომსახურების გაწევის ფაქტზე, რამაც ორი ან მეტი ადამიანის დაღუპვა გამოიწვია.
