„იმედის კვირა“ „ნაციონალურ მოძრაობაში“ მიმდინარე მოვლენებზე ბაჩო დოლიძეს ესაუბრა. პარტიის წევრი „ნაცმოძრაობაში“ ზურაბ ჭიაბერაშვილის დაბრუნებას გამოეხმაურა.
„არ მგონია ლევანს [ხაბეიშვილს] გასჩენოდა სურვილი, ან იდეა, რომ ზურაბ ჭიაბერაშვილი მოეყვანა საგარეო მიმართულებით. შესაბამისად, [ეს გადაწყვეტილება] ნაკარნახევია კონკრეტული ადამიანების მხრიდან. ამ შემთხვევაში, შეიძლება ითქვას, რომ დაწინაურდა კეზერაშვილის გავლენები. რას მოიტანს ეს ყველაფერი - ვნახავთ“, - ამბობს დოლიძე.
ზურაბ ჭიაბერაშვილი „ნაციონალურ მოძრაობაში“ დაბრუნდა. ის საგარეო მიმართულების ხელმძღვანელი გახდა. ჭიაბერაშვილი აცხადებს, რომ სამი მიმართულებით იმუშავებს. ესენია: მიხეილ სააკაშვილის გათავისუფლება, კანდიდატი ქვეყნის სტატუტის მინიჭება და უკრაინასთან პოლიტიკური კავშირის შენარჩუნება.
