„ნაციონალური მოძრაობის“ წევრის დავით კირკიტაძის განცხადებით, საქართველოს მეოთხე პრეზიდენტის, გიორგი მარგველაშვილს ბოლოდროინდელი ნაბიჯები, მოქმედებები და განცხადებები „გამარჯვების პლატფორმაში“ უკვე გაწევრიანებული ადამიანების პატივისცემასა და მოწონებას იწვევს.
რაც შეეხება მის „გამარჯვების პლატფორმასთან“ უფრო მჭიდროდ დაკავშირებას, ან არ დაკავშირებას, როგორც კირკიტაძემ ჟურნალისტებს განუცხადა, ამაზე თავად გიორგი მარგველაშვილი ისაუბრეს.
„ყველა თაობის პროფესიონალი და პატრიოტი ადამიანი შემოუერთდება „გამარჯვების პლატფორმას“. მოლაპარაკებისა და დისკუსიის დიდი ნაწილი დასრულებულია და შესაბამის დროს ამის შესახებ საზოგადოება გაიგებს. რაც შეეხება საქართველოს მეოთხე პრეზიდენტს, გიორგი მარგველაშვილს, მისი უკანასკნელ პერიოდში გადადგმული ნაბიჯები, მოქმედებები და განცხადებები, იწვევს პატივისცემასა და მოწონებას იმ ადამიანების მხრიდან, რომლებიც უკვე გაერთიანებულები არიან „გამარჯვების პლატფორმაში“. რაც შეეხება მის უფრო მჭიდროდ დაკავშირებას, ან არ დაკავშირებას, ამაზე თავად გააკეთებს განცხადებას.
რაც შეეხება იმას, თითქოს, გიორგი მარგველაშვილი მხილებულ იქნა რაღაცაში, ეს არის ფაქტების დამახინჯება და საზოგადოებისთვის შესაღება და ჩვენება ისე, თითქოს, გიორგი მარგველაშვილი მხილებულ იქნა გარკვეულ არასწორ საქციელში, ეს არის სიცრუე. „ქართული ოცნება“ ნახეთ რას აკეთებს, ადამიანები ვინც მათ არ ეთანხმება, ცდილობენ მათ დისკრედიტაციას“, - განაცხადა კირკიტაძემ.
