დადასტურდა, რომ „კადიროველების“ ყოფნა საქართველოში იყო ტყუილი, ჩვეულებრივი ფეიკი, - ამის შესახებ ჟურნალისტებს „ქართული ოცნების“ თავმჯდომარემ, ირაკლი კობახიძემ განუცხადა.
„არავითარი „კადიროველების“ ყოფნა საქართველოში არ დაფიქსირებულა. ტყუილი გაავრცელეს, მათ შორის ფოტოები ვითომ იარაღით მყოფი ადამიანების, რაც საერთოდ არ უკავშირდებოდა იმ პერიოდს, როდესაც ის ავტომობილები დაფიქსირდა საქართველოში. ცდილობენ, ფეიკებით შეუქმნან ქვეყანას პრობლემები, რაც არასწორია. ეს არის სახელმწიფოს წინააღმდეგ მიმართული ქმედებები. არ შეიძლება, ასეთი ფეიკებით ებრძოლო საკუთარ სახელმწიფოს“, - აცხადებს კობახიძე.
