მინდა ხალხს ვთხოვო, გავახსენოთ ნორვეგიის ელჩს, ვინ იყო მიხეილ სააკაშვილი და როგორი დემოკრატი იყო. საქართველოს მასშტაბით 30-ზე მეტი ტელევიზია დახურა სააკაშვილმა, რა დემოკრატიის განვითარებისა და ადამიანის უფლებების დაცვაზეა საერთოდ საუბარი?! ქართველებს სულში რატომ გვაფურთხებენ?! პირადად მე შეურაცხყოფილი ვარ, - ამის შესახებ ყოფილი პოლიტპატიმრის, სულხან მოლაშვილის ძმამ, თორნიკე მოლაშვილმა „ქრონიკაში“ განაცხადა.

მისი თქმით, უშუალოდ მიხეილ სააკაშვილმა დაარღვია უდანაშაულობის პრეზუმფცია სულხან მოლაშვილთან მიმართებაში.

„ბატონი მიხეილ სააკაშვილი დემოკრატიის განვითარებისა და ადამიანის უფლებების დაცვისთვის დააჯილდოვეს და მე სახლში მიდევს ჩემი ძმის, სულხან მოლაშვილის შესახებ სტრასბურგის სასამართლოს გადაწყვეტილება. მიხეილ სააკაშვილი მაშინ მოქმედი პრეზიდენტი იყო, თუმცა ვადა უმთავრდებოდა, თორემ განაჩენში პირდაპირ წერია, რომ მიხეილ სააკაშვილის იმპიჩმენტის საკითხი უნდა დამდგარიყო. უშუალოდ მიხეილ სააკაშვილმა დაარღვია უდანაშაულობის პრეზუმფცია სულხან მოლაშვილთან მიმართებაში. ეს განაჩენი მინდა გადავცე ქალბატონ ელჩს, რომელიც გაოგნებულია თურმე, ირაკლი ღარიბაშვილმა ბრეივიკს რომ შეადარა სააკაშვილი. ღარიბაშვილი პრემიერ-მინისტრია ქვეყნის და დიპლომატიურად საუბრობს. მეც გაოგნებული ვარ, ბრეივიკმა 50-მდე ახალგაზრდა გამოასალმა სიცოცხლეს და მიხეილ სააკაშვილმა 150-ზე მეტი ქართველი ადამიანი, ახალგაზრდა. მინდა ხალხს ვთხოვო, გავახსენოთ ნორვეგიის ელჩს, ვინ იყო მიხეილ სააკაშვილი და როგორი დემოკრატი იყო. საქართველოს მასშტაბით 30-ზე მეტი ტელევიზია დახურა სააკაშვილმა, რა დემოკრატიის განვითარებისა და ადამიანის უფლებების დაცვაზეა საერთოდ საუბარი?! ქართველებს სულში რატომ გვაფურთხებენ?! შეურაცხყოფილი ვარ პირადად მე“, - განაცხადა სულხან მოლაშვილმა.