ერთი რამ უდავოა, რომ ევროკავშირს აქვს ყველანაირი საფუძველი, საქართველოს მიანიჭოს კანდიდატის სტატუსი და ეს მათივე გამოცემულ შეფასების ანგარიშში ჩანს და ასახულია, - ამის შესახებ პარლამენტის ვიცე-სპიკერმა არჩილ თალაკვაძემ „ქრონიკაში“ განაცხადა.
„3 ქვეყნის შეფასების ანგარიში გამოქვეყნდა. აქედან 2 ქვეყანას - უკრაინასა და მოლდოვას უკვე აქვს კანდიდატის სტატუსი, ხოლო საქართველოს აქვს ევროპული პერსპექტივა. საქართველო შეფასებებში საუკეთესოა. აქედან გამომდინარე, უბრალო ლოგიკაა, რომ თუ 2 ქვეყანას, რომელსაც ბევრი მიმართულებით ჩვენზე დაბალი შეფასება აქვს და მიენიჭა კანდიდატის სტატუსი, საქართველოც იმსახურებს, რადგან უკეთესი შეფასება აქვს“, - აღნიშნა თალაკვაძემ.
