საგანგებო მნიშვნელობა აქვს გარეჯის საკითხს, ყველა მონაცემი გვიჩვენებს, რომ გაიყიდა ქვეყანა, ქვეყნის ინტერესები და სამაგიეროდ იმ პერიოდის ხელისუფლების ინტერესები დაცული იყო, - ამის შესახებ საპარლამენტო უმრავლესობის წევრმა, გიორგი ვოლსკიმ განაცხადა.
„სააკაშვილმა, მოწმენდილ ცაზე მეხივით დაგვცა, რომ მან გადაწყვიტა ეს 27 ოქტომბერს, რომ გარეჯის ტერიტორიის ერთი ნაწილი აზერბაიჯანს გადაუფორმა. - ეს თვითონ თქვა და ამაზე მეტი აღიარება და ჩვენება არ შეიძლება იყოს“, - განაცხადა გიორგი ვოლსკიმ.
„იმედის კვირა“ გარეჯის საქმის ოქროს მოწმეს, მანანა აღიპიშვილს შეხვდა და ექსკლუზიური ინტერვუ ჩაწერა. სახელმწიფო გეოდეზიურ-კარტოგრაფიული ფონდის უფროსის ყოფილმა მოადგილემ მოჰყვა როგორ გაქრა რუკები, რატომ გაათავისუფლეს სამსახურიდან მას შემდეგ, რაც დაკარგული დოკუმენტების შესახებ შესაბამის უწყებას აცნობა და რომელი ტერიტორიის გასხვისება შესთავაზა ნატალია ილიჩოვამ.
