შედგება თუ არა პრეზიდენტის მიერ მოწვეული რიგგარეშე სესია, - ეს ხვალ გაირკვევა. საკითხზე საკანონმდებლო ორგანოში ბიუროს სხდომაზე უნდა იმსჯელონ და ოფიციალური გადაწყვეტილება მიიღონ. რიგგარეშე სხდომა გახსნილად, რომ გამოცხადდეს, მას 76 დეპუტატი მაინც უნდა ესწრებოდეს.

„არ ველოდები „ქართული ოცნებისგან“, რომ ხვალ ბიუროს ჩაატარებენ და კვორუმი იქნება, ან სესიაზე შექმნიან კვორუმს. რაღაცას აუცილებლად მოიფიქრებენ, რომ არ შეასრულონ ვალდებულებები, ევროკავშირის რეკომენდაციები. მათ არ სჭირდებათ ამ რეკომენდაციების შესრულება, რადგან პროცესის ინტეგრაცია არ უნდათ. ეძებენ არა საშუალებას, რომ შევიდეთ [ევროკავშირში] არამედ, ეძებენ მიზეზებს, რომ გვითხრან უარი ამ ინტეგრაციის პროცესზე“, - განაცხადა „სტრატეგია აღმაშენებლის“ წევრმა, პაატა მანჯგალაძემ საკითხის კომენტირებისას.