„სტრატეგია აღმაშენებლის“ წევრი, პაატა მანჯგალაძე გამოეხმაურა „ქართული ოცნების“ თავმჯდომარის, ირაკლი კობახიძის განცხადებას, რომელიც საარჩევნო ბარიერს ეხება.
„მან [ირაკლი კობახიძე] ევროკავშირს დაუყენა ულტიმატუმი, თუ გინდათ პირობები შევასრულოთ, ჯერ მოგვეცით კანდიდატის სტატუსიო, რაც აბსურდია. საქართველოს სჭირდება ევროკავშირი და არა ევროკავშირს საქართველო, რომ ჩვენ ულტიმატუმით ველაპარაკოთ“, - განაცხადა პაატა მანჯგალაძემ.
„ქართული ოცნების“ ოფისში გამართულ ბრიფინგზე, ირაკლი კობახიძემ განაცხადა, რომ დეკემბერში, საქართველოსთვის კანდიდატის სტატუსის მინიჭებიდან არაუგვიანეს 1 თვისა, პარლამენტი მიიღებს კანონს, რომლითაც, მომდევნო საპარლამენტო არჩევნები სრულად პროპორციული სისტემით და 2%-იანი ბარიერით ჩატარდება.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
