უკრაინაში რუსი ჯარისკაცის მიერ ქალის გაუპატიურების საქმეზე პირველი სასამართლო პროცესი იწყება. ამის შესახებ Reuters-ი იტყობინება.
ბრალდებული, 32 წლის მიხაილ რომანოვი დაუსწრებლად გასამართლდება. მას ბრალად ედება 9 მარტს კიევის ოლქში მშვიდობიანი მოქალაქის მოკვლა, შემდეგ კი მისი 33 წლის ცოლის რამდენჯერმე გაუპატიურება.
რომანოვის გარდა ამავე საქმეში კიდევ ერთი რუსი ჯარისკაცი ფიგურირებს, თუმცა ის ამ დროისთვის იდენტიფიცირებული არაა.
