ჩვენ საერთოდ არ გვინდა, სალომე ზურაბიშვილთან პოლემიკაში შესვლა. წესით არ უნდა არსებობდეს პოლემიკა პარტიებსა და პრეზიდენტს შორის - პრეზიდენტი ზეპარტიული ფიგურაა საპარლამენტო რესპუბლიკაში, მთლიანად დისტანცირებული უნდა იყოს პოლიტიკისგან და შესაბამისად, არავითარი საბაბი არ უნდა არსებობდეს იმისვის, რომ გაიშალოს პოლემიკა მმართველ პარტიას, ოპიზიციურ პარტიებსა და პრეზიდენტს შორის, - ამის შესახებ „ქრონიკის“ ეთერში „ქართული ოცნების“ თავმჯდომარემ, ირაკლი კობახიძემ განაცხადა.

„თქვენ თუ ნახავთ ნებისმიერ საპარლამენტო რესპუბლიკას ან მონარქიას, არცერთი პრეცედენტი არ ფიქსირდება, გარდა შედარებით განუვითარებელი ქვეყნებისა. მაგალითად, პარტიები გერმანიის პრეზიდენტს არასდროს არ დაპირსპირებიან და რატომ? იმიტომ, რომ გერმანიის პრეზიდენტები მოქმედებდნენ საკუთარი კონსტიტუციური უფლებამოსილების ფარგლებში“, - განაცხადა ირაკლი კობახიძემ.