უკრაინის პრეზიდენტმა, ვოლოდიმირ ზელენსკიმ განაცხადა, რომ „მშვიდობა“, „გამარჯვება“ და „უკრაინა“ ის სამი სიტყვაა, რისთვისაც უკრაინელები იბრძვიან.
უკრაინის პრეზიდენტის თქმით, 2014 წელს რუსეთი უკრაინაში სიტყვა „ომით“ მოვიდა, ხოლო 24 თებერვალს კი ამ სიტყვას კიდევ ერთი სიტყვა დაუმატა - „სრულმასშტაბური ომი“.
ზელენსკიმ ხაზგასმით აღნიშნა, რომ უკრაინის წინააღმდეგ რუსეთის სრულმასშტაბური ომის 100 დღის განმავლობაში, უკრაინელების ლექსიკონში ახალი სიტყვები გავრცელდა, რომლებიც ყოველდღიურად ისმოდა. კერძოდ, ეს არის სიტყვები, რომელიც სიმბოლოა როგორც საფრთხის, ასევე იმედის.
