გიული ალასანია შვილის, მსჯავრდებული მიხეილ სააკაშვილის მოსანახულებლად კლინიკა „ვივამედში“ იმყოფებოდა. როგორც მან შემდეგ, პრესკონფერენციაზე განაცხადა, სააკაშვილის ჯანმრთელობის მდგომარეობა გაუარესებულია.
„ფერი საერთოდ არ ჰქონდა, თვალები მეტკინა უბრალოდ რომ შევხედე, თეთრი იყო სულ. სიარული ძალიან უჭირდა. ანალიზები გაკეთდა, პასუხები არ ვიცი ჯერ. უნდა დავაკვირდეთო. როდემდე გაჩერდება არ ვიცი, მაგრამ ზუსტად ვიცი, რომ საჭიროა ადამიანის აქედან გაყვანა“, - განაცხადა ალასანიამ.
ყოფილი პრეზიდენტი, მსჯავრდებული მიხეილ სააკაშვილი კლინიკა „ვივამედში“ დღეს, 12 მაისს გადაიყვანეს.
