სახელმწიფო დგამს ყველა ნაბიჯს იმისთვის, რომ მიხეილ სააკაშვილის ჯანმრთელობა მაქსიმალურად დაცული იყოს, - ამის შესახებ გივი მიქანაძემ განაცხადა. საპარლამენტო უმრავლესობის წევრის თქმით, ყოფილი პრეზიდენტის მხარდამჭერები ცდილობენ შექმნან შთაბეჭდილება, თითქოს საქართველოში სააკაშვილის ჯანმრთელობის უფლების სათანადოდ დაცვის შესაძლებლობა არ არსებობს.

„აქ მნიშვნელოვანია გავითვალისწინოთ ის გარემოება, რომ მისი ოჯახი, მისი თანაპარტიელები მაქსიმალურად ცდილობენ ეს კონტექსტი ისე წარმოაჩინონ, თითქოს საქართველოში არა მხოლოდ პენიტენციურ სისტემაში, არამედ მის გარეთაც არ არის იმის შესაძლებლობა, რომ მსჯავრდებული სააკაშვილის ჯანმრთელობის უფლება იყოს სათანადოდ დაცული, რაც არ შეესაბამება სიმართლეს“, - აცხადებს მიქანაძე.

იუსტიციის მინისტრმა განაცხადა, რომ სააკაშვილის ჯანმრთელობის მდგომარეობის გაუარესების თავიდან აცილების მიზნით, მას „ვივამედში“ გადაყვანას შესთავაზებენ. სააკაშილი შეთავაზებას დათანხმდა. ყოფილი პრეზიდენტი კლინიკაშ 12 მაისს გადაიყვანეს.