ბოლო ორი კვირის განმავლობაში „ომიკრონის“ რამდენიმე ახალი ქვემუტაცია გამოჩნდა. ჯერჯერობით „ჯანმო“ აკვირდება ამ მუტაციებს და განიხილავს მათ, როგორც ინტერესის ვარიანტებს. ასე რომ ჯერ ზეიმი ნამდვილად ადრეა, - ამის შესახებ იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ განაცხადა.
მისი თქმით, 50 წელს ზემოთ ადამიანებში და ასევე მათთვის, ვისაც ჯანმრთელობის განსაკუთრებული პრობლემები აქვთ, აუცილებელია ვაქცინის მეოთხე დოზა.
„მეოთხე, ანუ მეორე ბუსტერ დოზის აუცილებლობა ნათელია 50 წელს ზემოთ ადამიანებში. აუცილებელია ბუსტერ დოზის გაკეთება ასევე იმ ადამიანებში, რომელთაც აქვთ ჯანმრთელობის განსაკუთრებული მდგომარეობა, პირველ რიგში ეს ეხებათ პაციენტებს დაქვეითებული იმუნური სისტემით“, - განაცხადა ივანე ჩხაიძემ.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
