რუსმა სამხედროებმა კიევის ოლქში დასახლებულ პუნქტებში მთლიან ოჯახებს წვავდნენ. ამის შესახებ უკრაინის პრეზიდენტმა ვოლოდიმირ ზელენსკიმ თურქულ ტელეარხ Habertürk-თან ისაუბრა.
„მათ დაწვეს ბევრი ადამიანი ამ რაიონებში - ბუჩაში, ირპენსა და ჰოსტომელში. მათ დაწვეს მთლიანი ოჯახები. გუშინ ჩვენ ახალი ოჯახი ვიპოვეთ: მამა, დედა და ორი მცირეწლოვანი ბავშვი. ამიტომ ვამბობ, რომ ისინი ნაცისტები არიან. ეს ასეა. ისინი წვავენ ცხედრებს, რადგან ეშინიათ“ , - განაცხადა ზელენსკიმ.
ცნობისთვის, 3 აპრილის მდგომარეობით კიევის ოლქის გათავისუფლებული ტერიტორიებიდან გატანილია მშვიდობიანი მოსახლეობის 410 ცხედარი, რომლებიც დამპყრობლებმა მოკლეს.
![საქართველოს პრეზიდენტი მიხეილ ყაველაშვილი [პირველ რიგში] მსოფლიოს ლიდერებთან ერთად რომის პაპის დაკრძალვას ესწრება (ვიდეო)](https://for.ge/uploads/images/thumbs/1745658091_300052.jpg)
