„მოქალაქეების“ წევრის, ლევან იოსელიანის განცხადებით, რომელიც ბრიუსელში, საქართველოს საპარლამენტო დელეგაციის შემადგენლობაშია, საქართველოსთვის შესაძლებლობების ახალი ფანჯარაა გახსნილი.

„ამ შემთხვევაში, საქართველოსთვის შესაძლებლობების ფანჯარა გაიხსნა, მაგრამ ისიც უნდა გვახსოვდეს, რომ ჩვენზე ბევრი რამ არის დამოკიდებული - ჩვენს ინსტიტუციურ რეფორმებზე, ჩვენი საშინაო დავალებების შესრულებასა და იმ მოთხოვნებზე, რომელთაც, ამ შემთხვევაში, ევროკავშირი გვიყენებს. ბრიუსელში განწყობა ბევრად განსხვავებულია - ყველა ხვდება, რომ გარემოება შეიცვალა და, უკრაინის ამბებიდან გამომდინარე, განსხვავებული მიდგომების გამოჩენაა საჭირო საქართველოს მიმართაც“, - აღნიშნა ლევან იოსელიანმა.

ბრიუსელში, საქართველოს საპარლამენტო დელეგაციის შემადგენლობაში შალვა პაპუაშვილი, ლევან იოსელიანი, მაკა ბოჭორიშვილი და ლევან ქარუმიძე შედიან.