უკრაინის პრეზიდენტმა, ვოლოდიმირ ზელენსკიმ მორიგი ბრიფინგი გამართა და უკრაინის მოსახლეობას მიმართა.
„როდესაც პრეზიდენტი გავხდი, ვთქვი, რომ თითოეული ჩვენგანი პრეზიდენტია, რადგან ყველა ჩვენგანი ვართ პასუხისმგებელნი ჩვენს სახელმწიფოზე - ჩვენს ლამაზ უკრაინაზე. ახლა კი, ისე მოხდა, რომ თითოეული ჩვენგანი მეომარია და თავის წილ ბრძოლაშია ჩართული. დარწმუნებული ვარ, რომ თითოეული ჩვენგანი გაიმარჯვებს“, - განაცხადა ვოლოდიმირ ზელენსკიმ.
დღეს, უკრაინის დელეგაცია, უკრაინა-ბელარუსის საზღვართან, რუსეთის ფედერაციის წარმომადგენლებთან მოლაპარაკებებში მონაწილეობის მისაღებად ჩავიდა.
უკრაინაში საომარი მდგომარეობაა გამოცხადებული. აშშ-მ, დიდმა ბრიტანეთმა, ევროკავშირმა, იაპონიამ, კანადამ და სხვა ქვეყნებმა რუსეთს მკაცრი სანქციები დაუწესეს. 27 თებერვალს კი უკრაინამ რუსეთის წინააღმდეგ გაეროს საერთაშორისო სასამართლოში შეიტანა სარჩელი.
