ანალიტიკოსი პიტერ ზალმაევი ​კიევში ზურაბ ადეიშვილზე განხორციელებულ თავდასხმას აფასებს. ის მიიჩნევს, რომ მომხდარი ადეიშვილის საქართველოში მოღვაწეობას უკავშირდება, რადგან უკრაინაში მას არავინ იცნობს.

„თავდასხმა შესაძლოა უკავშირდებოდეს ადეიშვილის პოლიტიკურ წარსულს საქართველოში. არსებობს ხულიგნობის ვერსიაც, მაგრამ ჩემი გათვითცნობიერებული წყაროები უკრაინაში ქართულ დიასპორაში და კიევის პოლიციიდან იხრებიან იმ ვერსიისკენ, რომ ადეიშვილი მისი საქართველოში მოღვაწეობისას ჩადენილი ქმედებების ერთ-ერთმა მსხვერპლმა იცნო და ამგვარად გაუსწორდა მას, რადგან ძნელად წარმოსადგენია ის ვინმეს აინტერესებდეს უკრაინაში. მას აქ არავინ იცნობს და არც მედიაში გამოჩენილა.

უკრაინული მედიის ინფორმაციით, საქართველოს იუსტიციის ყოფილ მინისტრ ზურაბ ადეიშვილს კიევში თავს დაესხნენ.