პრეზიდენტმა ვლადიმერ პუტინმა ჯობს, კონცენტრირება საკუთარი ქვეყნის შიდა საქმეებზე მოახდინოს, ნაცვლად იმისა, რომ რესურსები მეზობლებისადმი მუქარაში ხარჯოს. „უკრინფორმის“ ინფორმაციით, ამის შესახებ უკრაინის საგარეო საქმეთა მინისტრმა დმიტრო კულებამ განაცხადა კითხვაზე, რას ეტყოდა ვლადიმერ პუტინს შეხვედრისას.

„საკუთარი საქმეებით დაკავდით, იზრუნეთ თქვენს ხალხზე. თუკი კონცენტრირებას მოახდენს რუსეთის კეთილდღეობასა და მომავალზე, ნაცვლად იმისა, რომ ხარჯოს მილიონები ომზე, კიბერთავდასხმებზე, ასევე სხვა ქვეყნებისთვის ჩაუნერგოს ომის შიში. რუსეთი სულ სხვანაირი იქნებოდა, საუკეთესო ადგილი საცხოვრებლად, ჩვენ კი ნაკლები თავის ტკივილი გვექნებოდა“ , - განაცხადა კულებამ.

მანვე აღნიშნა, რომ კიევი და მისი პარტნიორები მუშაობენ მოვლენათა განვითარების უარესი ვარიანტის თავიდან ასაცილებლად, რადგან შეუძლებელია პრეზიდენტ პუტინს უფლება მისცე მიიღოს ის, რაც სურს, წითელი ხაზების გადაულახავად.

მინისტრმა გაიხსენა, რომ მომატებული მზადყოფნის მდგომარეობა უკრაინისთვის ახალი არ არის, რადგან, მისი თქმით, ქვეყანა ამ ომში 2014 წლიდან არის და უკრაინის ეკონომიკა უკვე დაზარალდა იმ პანიკით, რაც ესკალაციას ეხება.