ჯანდაცვის სამინისტრო საქართველოში მართავს ოთხ დიდ მიმართულებას, რომელშიც შედის ჯანდაცვას, სოციალური მიმართუალება, დასაქმება, დევნილთა განსახლება. ამ შემთხვევაში ძალიან რთულია მოვითხოვოთ ოთხივე მიმართულებით ღრმა ტექნიკური ექსპერტიზა რომელიმე მინისტრისგან, - ასე უპასუხა ჯანდაცვის მინისტრის მოადგილე თამარ გაბუნიამ ჟურნალისტის კითხვას, - რამდენად გაართმევს თავს ზურაბ აზარაშვილი ჯანდაცვის მინისტრის მოვალეობას, ვინაიდან ის ჯანდაცვის სფეროსთან პროფესიული თვალსაზრისით ახლოს არ არის.

„ამდენად, მინისტრის მთავარი სიძლიერე ამ შემთხვევაში არის - პოლიტიკური ხედვა, მენეჯმენტის გამოცდილება და უნარ-ჩვევები და ასევე ის, რომ ასეთ დიდ უწყებას მან გაუწიოს სათანადო ხელმძღვანელობა.
ვფიქრობთ, მსგავსი უნარ-ჩვევები და გამოცდილება მინისტრს ნამდვილად აქვს, ამდენად, მოლოდინი არის მხოლოდ პოზიტიური“, - განაცხადა თამარ გაბუნიამ.

ჯანდაცვის ახალი მინისტრი მუშაობას 30 დეკემბრიდან შეუდგება.