მიხეილ სააკაშვილის მხარდამჭერების მოთხოვნას, ექსპრეზიდენტის სამოქალაქო კლინიკაში გადაყვანის შესახებ, სოციალურ ქსელში ეხმაურება ექსპერტი მედიცინის საკითხებში, ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი:
„მე მაპატიეთ ძალიან დილეტანტური შეკითხვისთვის.
უნდა გადაიყვანონ და გადაიყვანეს. გაიარა რეაბილიტაცია. აგრძელებს ბრძოლას, იწყებს ისევ შიმშილობას.
ისევ გადაიყვანეს, გაიარა რეაბილიტაცია. აგრძელებს ბრძოლას, იწყებს შიმშილობას, ისევ გადაიყვანეს…
თუ უბრალოდ კერძო ჰოსპიტალში იქნება მთელი წლების განმავლობაში და თუ რამეა იქ მოიხდის სასჯელს?
თუ ბრძოლას შეწყვიტავს, პირველი რეაბილიტაციის გავლის შემდეგ?
თუ პირველი რეაბილიტაციის პერიოდში, პენიტენციურ ჯანდაცვას ისეთ დონეზე აიყვანენ რომ შემდგომ შიმშილობის ჯერზე გადაყვანა არ დაჭირდეს?
კიდევ ერთხელ მე მაპატიეთ, მაგრამ გარდა დღევანდელი დღისა, ხვალ, ზეგ და მაზეგ რა უნდა მოხდეს ისეც მაინტერესებს“
