სააკაშვილმა ზუსტად იცის, რომ მას სჭირდება პოლიციელების ლოიალობა და მათ ჰპირდება, რომ უკეთესი პირობები ექნებათ, რაც ჩვენს რეალობაში ჩვეულებრივი პოპულისტური ამბავია, – ასე აფასებს „გირჩის“ ლიდერი იაგო ხვიჩია პოლიციელებთან დაკავშირებით მიხეილ სააკაშვილის გუშინდელ განცხადებას.
„ნებისმირი ადამიანი, რომელიც მათ (პოლიციელების) ჩათრევას ცდილობს და უკვე ჩათრეულიც ჰყავთ ამ სფეროში, იმ ხალხს ზოგადად კარგი არ უნდა არც ამ ქვეყნისთვის და არც ძალოვანი უწყებებისთვის“, - განაცხადა იაგო ხვიჩიამ.
საქართველოს ყოფილმა პრეზიდენტმა, უკრაინის რეფორმების აღმასრულებელი კომიტეტის თავმჯდომარე მიხეილ სააკაშვილმა „ფეისბუქზე“ გავრცელებულ ვიდეომიმართვაში განაცხადა, რომ ყველა პოლიციელს საბანკო ვალი უნდა ჩამოეწეროს და პენსია ათას ლარამდე გაეზარდოს.
![ვრცელდება ვიდეო, სადაც ჩანს, როგორ ურტყამს ზვიად რატიანი ხელს პოლიციელს [video]](https://for.ge/uploads/images/thumbs/1750865324_303596.png)
