მაიკ პომპეოს ვიზიტიდან, ძირითადი და მთავრი დასკვნა შეიძლება ის გამოვიტანოთ, რომ საქართველოსა და აშშ-სთვის პრინციპულად უმნიშვნელოვანესია სტაბილურობა საქართველოში და სტაბილურობა რეგიონში, - ამის შესახებ პარლამენტის კვლევითი ცენტრის დირექტორმა და მმართველი პარტიის საარჩევნო სიის მეთვრამეტე ნომერმა, გიორგი ხელაშვილმა „ქართული ოცნების“ ოფისში გამართულ ბრიფინგზე განაცხადა.

„შავი ზღვის რეგიონი არის წამყვანი აშშ-ის უსაფრთხოების პოლიტიკაში და საქართველო რჩება მაგალითად და მოდელად აშშ-სთვის რეგიონული განვითარებისთვის. საქართველოს აქვს აშშ-ის პროპარტიული და ურყევი მხარდაჭერა როგორც ახლა, ასევე მომავალში. ეს არის ძირითადი დასკვნები, რომლებიც შეგვიძლია შემოგთავაზოთ მაიკ პომპეოს ვიზიტის შემდეგ“, - განაცხადა გიორგი ხელაშვილმა.

აშშ-ის სახელმწიფო მდივნის ვიზიტი საქართველოში დასრულდა. მაიკ პომპეო საქართველოში 17 ნოემბერს ჩამოვიდა. ის სალომე ზურაბიშვილს, გიორგი გახარიას, ილია მეორეს და არასამთავრობო სექტორის წარმომადგენლებს შეხვდა.