ვწუხვარ, რომ ჩემი ბავშვობის მეგობარი და ყოველთვის მაღალი ინტელექტით გამორჩეული გიგი უგულავა, იაფფასიანი სერიალების იმიჯით აზროვნებს საკუთარი ქვეყნის და სამშობლოს მომავალზე, - ასე „ერთიანი ნაციონალური მოძრაობის“ წევრი, სალომე სამადაშვილი გიგი უგულავას განცხადებას გამოეხმაურა.
„ზღაპრებისა და სერიალების იმიჯით აზროვნება ჩემთვის არ არის მაღალი ინტელექტუალური კალიბრის მაჩვენებელი“, - აღნიშნა სამადაშვილმა.
„ევროპული საქართველოს“ ზუგდიდის მაჟორიტარი დეპუტატობის კანდიდატმა, გიგი უგულავამ სოციალური ქსელით ვრცელი მიმართვა გაავრცელა და მიხეილ სააკაშვილი ოპოზიციის დაშლაში დაადანაშაულა. ასევე, ამ პროცესში მერაბიშვილის როლზეც ისაუბრა.
