ჩუღურეთის რაიონში, ბინათმესაკუთრეთა ამხანაგობების ხელშეწყობის პროგრამის ფარგლებში, ნინოშვილის ქ. N19ა-ში, თბილისური ტიპის ეზოში საერთო სარგებლობის კიბისა და აივნის მოწყობის სამუშაოები მიმდინარეობს.
პროექტს ჩუღურეთის რაიონის გამგებელი ზურაბ ჩიკვილაძე, საკრებულოს მაჟორიტარ დეპუტატთან, რიმა ბერაძესთან ერთად გაეცნო. სამუშაოებს ჩუღურეთის რიონის გამგეობის დაკვეთით, კონტრაქტორი კომპანია ასრულებს და მისი ღირებულება 37,000 ლარია. მსგავსი სამუშაოები რაიონში კიდევ 5 მისამართზე მიმდინარეობს ხოლო 12-ზე უკვე დასრულდა.
