წმინდა წყლის დემაგოგია და სპეკულაცია - ასე აფასებენ POSTV-ის გადაცემა "რაინდი" სამნი & Co.“-ს წამყვანები ბიზნესმენ ლევან ვასაძის მიმართვას, სადაც იგი მსოფლიოში ბავშვების მშობლებისთვის ჩამორთმევაზე საუბრობს და ამბობს, მათი უმეტესობა მამათმავლების და ლეზბოსელების წყვილებს გადაეცემათ.
„ლევან ვასაძის ეს განცხადება წმინდა წყლის დემაგოგიაა და დასავლეთში ერთსქესიანთა ოჯახების ქორწინების ქართულ რეალობაში გადმოტანა არის სრული სპეკულაცია“ - ამბობს შალვა რამიშვილი.
მისივე თქმით, კონსტიტუციაში ოჯახის მცნება ამ ხელისუფლებამ შეიტანა და სახელმწიფო ვალდებულია დაიცვას ყველა მოქალაქე, განსაკუთრებით ბავშვები.
“ჩვენ ყველამ ვიცით, როგორ არიან ბავშვები ჩართულები იძულებით შრომაში. როგორ მათხოვრობენ, ქირავდებიან. ჩვენთან დგას ბავშვის გადარჩენის საკითხი. აქ საუბარია ბავშვის დაცვაზე“ - ამბობენ გადაცემის წამყვანები.
მათი აზრით, ლევან ვასაძე მიმართვაში ირიბად ამბობს იმას, რომ სახელმწიფო მშობლებს ჩამოართმევს ბავშვს, გააშვილებს ერთსქესიან ოჯახში, სადაც მას გააუპატიურებენ.
გური სულთანიშვილი იხსენებს გიორგი თარგამაძის მიერ 2012 წელს ხელმოწერების შეგროვებას, როდესაც ის ამბობდა, რომ „ქართულ ოცნებას“ ერთსქესიანთა ქორწინებას დაშვება უნდოდა. მისი თქმით, ეს არის სპეკულირება და პოლიტიკური ჰომოფობია
