დაპირისპირება საზოგადოებრივი მაუწყებლის გენერალური დირექტორობის მსურველებს შორის. კანდიდატი თიკა რუხაძე არათანაბარ პირობებზე საუბრობს და ამბობს, რომ სამეურვეო საბჭო ერთ-ერთი კონკურსანტის მიმართ მიკერძოებულ დამოკიდებულებას ავლენს. თუმცა კანდიდატის გვარს არ აკონკრეტებს. ბრალდებას უპასუხოდ ტოვებს ბორდი, რომელიც ამ წუთებში სხდომას მართავს. სწორედ ამ შეკრებაზე გახდება ცნობილი, როდის აირჩევენ საზოგადოებრივი მაუწყებლის ახალ ხელმძღვანელს.
