ოქსფორდის უნივერსიტეტის მკვლევრებმა პირველი დადებითი შედეგები მიიღეს კორონავირუსის წინააღმდეგ ვაქცინის ტესტირებისას. ოქსფორდის უნივერსიტეტი ფარმაცევტულ კომპანია AstraZeneca-სთან ვაქცინის ფართო წარმოების დაწყებაზე მუშაობს.
ამ ეტაპზე სპეციალისტებმა იმას მიაღწიეს, რომ ვაქცინა იმუნიტეტის ზრდას უწყობს ხელს .
„ამ შემთხვევაში იმუნური სისტემის რეაქცია ანტისხეულებსა და Т-უჯრედებს უკავშირდება. ახლა ყურადღება ანტისხეულებზეა გამახვილებული, თუმცა სულ უფრო მეტი მტკიცებულებაა, რომ Т-უჯრედების რეაგირება მნიშვნელოვანია კორონავირუსისგან დაცვისთვის“, - განაცხადეს მეცნიერებმა.
აღსანიშნავია, რომ ვაქცინის ეფექტურობის დადგენა ტესტირების მხოლოდ მესამე ფაზის შემდეგ იქნება შესაძლებელი.
ოქსფორდის უნივერსიტეტი AstraZeneca-სთან ერთად კორონავირუსის საწინააღმდეგო ვაქცინის მესამე ფაზის ტესტირებას ბრაზილიაში ჩაატარებს.
