მეუნარგიას ქუჩაზე ასფალტის საფარი იგება

მეუნარგიას ქუჩაზე ასფალტის საფარი იგება

ჩუღურეთის რაიონში, საგზაო ინფრასტრუქტურის მოწესრიგება აქტიურად მიმდინარეობს. მეუნარგიას ქუჩაზე 2 000 კვადრატულ მეტრზე ასფალტის ორფენიანი საფარი იგება.
მიმდინარე პროცესს ჩუღურეთის რაიონის გამგებელი ზურაბ ჩიკვილაძე ადგილზე გაეცნო.

„მეუნარგიას ქუჩაზე ვაწარმოებთ საგზაო სამუშაოებს. ასევე, თავიდან ვაწყობთ საფეხმავლო ტროტუარს. ყველაზე მთავარი არის ის, რომ ადგილობრივ მოსახლეობას დანაპირები შევუსრულეთ. მიმდინარე წელს, მსგავსი სამუშაოები ჯამში, 20 ქუჩაზე განხორციელდა. წლის ბოლომდე ასფალტის საფარი კიდევ 20-მდე ქუჩაზე მოწესრიგდება“, - განაცხადა ზურაბ ჩიკვილაძემ.

პროექტის ფარგლებში, მოეწყო ბორდიურები და საფეხმავლო ბილიკი. ძველ ამორტიზებულ გზის საფარს კი, ახალი ორფენიანი ასფალტი ჩაანაცვლებს. სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს და მისი ღირებულება 80 000 ლარია.

 

 

amo მერია აუუ! დიდ დიღომში ტარიელის ქუჩაზე (კალათბურთელი მარკოიშვილებიც იქ ცხოვრობენ, ნეტა რას ფიქრობენ) იმხელა, იმხელა ორმოებია, შემხვედრი მანქანა არ ჩანს ხოლმე. ესაა სირცხვილი, თავის მოჭრა. მ ო გ ვ ხ ე დ ე თ ! გ ვ ი შ ვ ე ლ ე ე თ !
1 თვის უკან