პოლიტოლოგმა სოსო მანჯავიძე სოციალურ ქსელში წერს:
"ყველაზე საშიში კაცობრიობისთვის მკვლელები, თაღლითები და მოძალადეები კი არ არიან, არამედ ისინი, ვისაც მუდამ თან დააქვთ უბეში დამალული მოყვასის ჩასაქოლი ქვები.
სწორედ ეს სისხლმოწყურებული მოდგმა ქმნის შესაძლებელს ყოველგვარ სისაძაგლეს.
სოციალურმა ქსელებმა ეს ნათელი გახადა.
გამოიკვეთა მრავალრიცხოვანი კლასტერი, რომელიც კარგად დაგეშილი მეძებარივით დაძრწის ვირტუალურ სივრცეში, რათა მოყვასის ჩაქოლვის ვნება დაიკმაყოფილოს.
აპოკალიფსურ მეძავებად გადაქცეული ტელევიზიებიც ადამიანური ბუნების ამ დეგრადაციის წყალობით არსებობენ. და სწორედ ამ ვნების წახალისებით არიან დაკავებულნი.
ამიტომაც ხვდებიან ტრაგედიებს ასეთი გახარებულები- ისინი ამ ვნების კონცენტრირების საშუალებას იძლევიან ინფერნალური შაბაშების მოსაწყობად."