„ევროპაბეთი“ ნარდში რეგიონული ჩემპიონატის გამართვას აანონსებს.
- ტურნირი სტარტს 26 ივლისს აიღებს, კვალიფიკაციები 5 ივლისიდან დაიწყება
- პირველი რეგიონული ონლაინ ჩემპიონატი პროფესიონალურ ნარდში „ევროპაბეთზე“
სამაგიდო თამაშების ყველაზე დიდი პლატფორმა რეგიონში „ევროპაბეთი“ და საქართველოს სპორტული ნარდის ფედერაცია პროფესიონალურ ნარდში პირველ რეგიონულ ონლაინ ჩემპიონატს მართავენ. ეს არის პირველი შემთხვევა რეგიონში, როდესაც მსგავსი მასშტაბისა და მნიშვნელობის ღონისძიებას ონლაინ პლატფორმა მასპინძლობს.
რეგიონულ ონლაინ ჩემპიონატში მონაწილეობა, რომელიც 26 ივლისს europebet.com-ზე დაიწყება და მისი საპრიზო ფონდი 50 ათასი ლარია, შესაძლებელია როგორც უფასო ბილეთის მოპოვებით, ისე ფასიანი რეგისტრაციით. საკვალიფიკაციო პირველობები სტარტს 5 ივლისიდან აიღებს და ჩემპიონატის დაწყებამდე დასრულდება.
რეგიონულ ონლაინ ჩემპიონატში მოხვედრის ერთ-ერთი გზა ყოველდღიურ სატელიტ ტურნირებში გამარჯვებაა, სადაც, ჯამში, 63 უფასო ბილეთი გათამაშდება. უფასო ბილეთის მოპოვება, ასევე, შესაძლებელია ლიდერბორდებში საპრიზო ადგილებზე მოხვედრით, სადაც, ჯამში, 20 ბილეთი გათამაშდება. სულ, ტურნირზე მოხვედრის 3 სხვადასხვა გზა არსებობს:
- ყოველდღიურ სატელიტ ტურნირებზე რეგიონული ჩემპიონატის, ჯამში, 63 უფასო ბილეთი გათამაშდება
- ქეშ მაგიდებისა და სპინ თამაშების 2 დამოუკიდებელ ლიდერბორდში რეგიონული ჩემპიონატის, ჯამში, 20 უფასო ბილეთი გათამაშდება
- ბაი-ინით რეგისტრაცია, 5 ივლისის 00:00 საათიდან ტურნირის დაწყებამდე ნებისმიერ დროს, შესაძლებელია 100 ლარად
რეგიონული ონლაინ ჩემპიონატი, რომელიც ოლიმპიური სისტემით გაიმართება, საქართველოს სპორტული ნარდის ფედერაციისა და „ევროპაბეთის“ თაღლითობის კონტროლის დეპარტამენტის მკაცრი ზედამხედველობით ჩატარდება და მაქსიმალური ყურადღება დაეთმობა სამართლიან თამაშს. არასამართლიან თამაშში შემჩნეული მოთამაშე გათამაშებიდან მოიხსნება.
„სამართლიან თამაშსა და უსაფრთხოების სისტემას მაქსიმალურად გავაკონტროლებთ. შეიქმნება სპეციალური კომისია, რომელშიც, ფედერაციის წარმომადგენლებთან ერთად, „ევროპაბეთის“ ტექნიკური პერსონალიც შევა. მონაწილის საეჭვო თამაშის შემჩნევის შემთხვევაში, სპეციალური პროგრამით ტესტირების შედეგად, დავადგენთ, საქმე უნებლიე შემთხვევასთან გვაქვს თუ განზრახ ქმედებასთან“, - აცხადებს საქართველოს სპორტული ნარდის ფედერაციის პრეზიდენტი რევაზ ცხოვრებაშვილი.
რეგიონულ ონლაინ ჩემპიონატზე მთავარი მსაჯი საქართველოს სპორტული ფედერაციის ვიცე-პრეზიდენტი ბაქარ მათიკაშვილი იქნება. ჩემპიონატზე, ასევე, იმსაჯებენ: იაკობ გარალი (უკრაინის ნარდის ფედერაციის აღმასრულებელი მდივანი), სხვადასხვა საერთაშორისო ტურნირის გამარჯვებულები: კარენ სარქისიანი, დავით ტლაშაძე და ვლადიმერ ხარხელაური.
„სამწუხაროდ, არცთუ იშვიათია შემთხვევები, როდესაც მოთამაშეები მანიპულაციებს მიმართავენ და მსოფლიო პრაქტიკაში, ასეთ დროს, მოთამაშეს პირველივე ჯერზე დისკვალიფიკაციით სჯიან. ჩვენს ჩემპიონატზე მკაცრი კონტროლი გვექნება. გამოვიყენებთ სპეციალურ პროგრამებს, რომელთა მეშვეობითაც, ავტომატურად დაფიქსირდება მანიპულაციის მცდელობა. მათი გამოყენებით შევამოწმებთ, მოთამაშე ნამდვილად თვითონ თამაშობს თუ რომელიმე პროგრამას იყენებს. ჩემპიონატზე სხვა ტიპის თაღლითობა გამორიცხულია“, - აცხადებს კარენ სარქისიანი.
ჩემპიონატი, რომლის საპრიზო ფონდი 50 ათასი ლარია, 26 ივლისს, 14:00 სთ-ზე დაიწყება, მანამდე კი უკვე 5 ივლისიდან საკვალიფიკაციო პირველობები იღებს სტარტს. პრიზიორებს, სოლიდურ ფულად ჯილდოსთან ერთად, სიმბოლური საჩუქრებიც გადაეცემათ. ყოველი თამაში ¼ ფინალის ჩათვლით იქნება 5 ქულამდე, ½ ფინალებში - 7 ქულამდე, ხოლო ფინალში - 9 ქულამდე. ჩემპიონატის გამარჯვებული 10 000 ლარს მიიღებს.
