ასე შენახული პომიდორი საუკეთესო გარნირია მწვადისთვის, ხოლო წვენი საუკეთესო მარინადია ხორცისთვის ან შეწვისას მოსასხმელად – ის არბილებს და საოცარ გემოს ანიჭებს შემწვარ ხორცს.

ინგრედიენტები

პომიდორი - მოზრდილი, 15 ცალი

ხახვი - 15 თავი

ნიორი - 2-3 თავი

1 ლიტრი მარინადისთვის:

ზეთი - 1 ს/კ

ძმარი - 2 ს/კ

შაქარი - 2 ს/კ

მარილი - 2 ს/კ

ასპირინი კონსერვებისთვის - 1/2 აბი

დაფნის ფოთოლი - 2 ცალი

შავი პილპილის მარცვლები - 5-6 ცალი

მიხაკი - 3-4 ცალი

მომზადების წესები

ამ ინგრედიენტებით გამოდის 4,5-5 ლ.

გარეცხეთ ბოსტნეული, გაფცქვენით და მსხვილად დაჭერით.

სუფთა, გასტერილებულ ქილებში მჭიდროთ ჩაალაგეთ ბოსტნეული მონაცვლეობით:

პომიდვრის ფენა

ნივრის ფენა

ხახვის ფენა

ასე აავსეთ ქილები.

შემდეგ მოხარშეთ მარინადი და ცხელ-ცხელი მოასხით პომიდორს. შედგით ქილებით 10 წუთით მიკროტალღურ ღუმელში ან ადუღებულ წყლიან ქვაბში. ჰერმეტულად მოხუფეთ და გააცივეთ.

შეგიძლიათ გამოიყენოთ მეორე დღიდანვე და ასევე შეინახოთ ზამთრისთვის.