„მე არ მგონია რომ გერმანიის ერთ-ერთი ყოფილი კანცლერისთვის საამაყო იყოს „გაზპრომთან" თანამშრომლობა. ეს (გერმანიის) ელჩიც (ჰუბერტ ქნირში) შრიოდერის წრეში იყო და შესაძლოა მას გარკვეულწილათ პიეტეტები ან მეტი სიფრთხილე აქვს რუსეთთან მიმართებაში, ამ თვალსაზრისით ამოვარდნილია ამ საერთო სივრციდან", - ამის შესახებ „რესპუბლიკური პარტიის" ლიდერმა დავით ბერძენიშვილმა ტელეკომპანია „პირველის" ეთერში განაცხადა.

მისი თქმით, გერმანიის ელჩის განცხადების ტონი და შინაარსი მნიშვნელოვნად განსხვავდება აშშ-სა და ევროკავშირის ელჩების განცხადებებისაგან.

„ჩვენც გვყოლია ესეთი ელჩები,, სხვა ქვეყნებსაც ჰყოლიათ ჩვენთან, რომლებიც მაინცდამაინც აპლოდისმენტებით არ გაუცილებით აქედან.

„როგორც ევროკავშირის წარმომადგენელი ბატონი ჰარცელი, ასევე ამერიკის ელჩი სრულიად სხვა ტონალობით საუბრობენ და სახელებსა და გვარებზე არ ამბობენ. რურუა თუ არ ეწერა, უგულავა ეწერა თუ ოქრუაშვილი?!", - განაცხადა ბერძენიშვილმა

პარასკევს საქართველოში გერმანიის ელჩმა ჰუბერტ ქნირშმა განაცხადა, რომ 8 მარტის შეთანხმებაში გიორგი რურუა ნახსენები არ ყოფილა და საპარლამენტო ოპოზიციას ურჩია საკონსტიტუციო ცვლილებების განხილვასა და კენჭისყრაში მიიღოს მონაწილეობა.