მსოფლიო ბანკის პრეზიდენტის, დევიდ მალპასის თქმით, კორონავირუსის გამო 60 მილიონი ადამიანი უკიდურეს სიღარიბეში აღმოჩნდება. ამის შესახებ BBC წერს.
მალპასმა აღნიშნა, რომ გლობალური ეკონომიკური ზრდა წელს პანდემიის გამო 5%-ით შემცირდება. დაწესებული შეზღუდვის გამო სამსახური უკვე დაკარგა მილიონობით ადამიანმა, ზარალდება ბიზნესი, ყველაზე მძიმედ კი ამას ღარიბ ქვეყნებში განიცდიან.
„ჩვენი ვარაუდით, 60 მილიონამდე ადამიანი უკიდურეს სიღარიბეში აღმოჩნდება. ეს შლის იმ პროგრესს, რომელსაც გასული 3 წლის განმავლობაში სიღარიბის აღმოფხვრის კუთხით მივაღწიეთ“, - აღნიშნა მალპასმა.
მსოფლიო ბანკი საერთაშორისო სავალუტო ფონდთან მუშაობს გეგმაზე, რომელიც ღარიბ ქვეყნებს დიდი ოცეულის ქვეყნებისადმი ვალის გასტუმრებას წლის ბოლომდე შეაჩერებს.
