ევროპარლამენტმა ევროკავშირის მეზობელი და პარტნიორი ქვეყნებისთვის, მათ შორის საქართველოსთვის კორონავირუსის შედეგებთან გასამკლავებლად სამი მილიარდი ევროს ოდენობის კრედიტების გამოყოფას მხარი დაუჭირა. ამის შესახებ ინფორმაციას ევროპარლამენტის პრესსამსახური ავრცელებს.
როგორც განცხადებაშია აღნიშნული, სასესხო დახმარება 10 ქვეყანაზე გაიცემა, რომლებიც პანდემიის გამო ეკონომიკურ რეცესიას განიცდიან. ყველაზე მეტ თანხას 1,2 მილიარდ ევროს უკრაინა მიიღებს. საქართველოსთვის გათვალისწინებულია 150 მილიონი ევროს ოდენობის მაკროფინანსური დახმარება. ქვეყნებს შორისაა: ალბანეთი, მონტენეგრო, ჩრდილოეთ მაკედონია, ბოსნია და ჰერცოგოვინა, მოლდოვა, ტუნისი და ალბანეთი.
ამ პროექტს 547-მა დეპუტატმა დაუჭირა მხარი. ამჯერად გადაწყვეტილება ევროკავშირის საბჭომ უნდა დაამტკიცოს.
